काठमाडौँ – शुक्रबार अपराह्न ४ बजे प्रदेश प्रमुखहरुले पद तथा गोपनीयताको शपथ दिने भएको छ ।

राष्ट्रपति विद्यादेवी भण्डारीले राष्ट्रपति निवासमा आयोजना हुने समारोहमा नवनियुक्त प्रदेश प्रमुखहरुले शपथ दिने बताईएको छ ।

मन्त्रिपरिषद्को बुधबार बसेको बैठकले प्रदेशको कार्य सञ्चालनका लागि अस्थायी केन्द्र तोक्नुका साथै प्रदेश प्रमुखको नाम राष्ट्रपति समक्ष सिफारिश गर्ने निर्णय गरेको थियो ।

सरकारले प्रदेश नं १ मा प्रा डा गोविन्दबहादुर तुम्बहाङ, प्रदेश नं २ मा रत्नेश्वरलाल कायस्थ, प्रदेश नं ३ मा अनुराधा कोइराला, प्रदेश नं ४ मा बाबुराम कुँवर, प्रदेश नं ५ उमाकान्त झा, प्रदेश नं ६ मा दुर्गाकेशर खनाल र प्रदेश नं ७ मा मोहनराज मल्ललाई प्रदेश प्रमुख तोकेको छ ।