काठमाडौं – नेकपा एमाले र नेकपा माओवादी केन्द्रबीच राष्ट्रिय सभा निर्वाचन, प्रदेश सरकार गठन र संसदको जिम्मेवारीसम्बन्धी कार्य शुरु गर्ने भएको छ ।
बुधबार दुवै पार्टीका अध्यक्ष ओली र प्रचण्डले एकतासम्बन्धी कार्यविधि तय गरेर काम शुरु गर्न निर्देशन दिएसँगै शुरु गरिएको हो । निर्वाचन, प्रदेश सरकार र संसदको जिम्मेवारीबारे गृहकार्य गर्न गठन गरिएको कार्यदललाई अध्यक्षद्वयले निर्देशन दिएका थिए ।
कार्यदलका सदस्यहरुको संयुक्त बैठक बुधबार बालकोटमा अध्यक्षद्वय ओली र प्रचण्डक्षसहित बसेको थियो । जिम्मेवारी तोकिए अनुसार कार्यदलले राष्ट्रिय सभाको निर्वाचनमा साझा उम्मेदवार, प्रदेश सरकारको गठन, प्रदेशको मूख्यमन्त्री, सभामुख लगायतका विषयमा साझा धारणा बनाएर पार्टी एकता संयोजन समितिमा प्रतिवेदन पेश गर्नेछ ।
प्रतिवेदन पार्टीको जनमत, व्यक्तित्व र योगदान, पार्टी एकताको गति र सन्तुलनलाई मुख्य अधार मानिने कार्यदलका एक सदस्यले बताए । कार्यदलमा माओवादीबाट रामबहादुर थापा, बर्षमान पुन र मातृका यादव रहेका छन् भने एमालेबाट सुवास नेम्वाङ, शङकर पोखरेल र सुरेन्द्र पाण्डे छन् ।
