मालीमा राष्ट्रपतीय निर्वाचनको तयारी हुँदै गर्दा राष्ट्रपति इब्राहिम बोउबाकर केइटाले पूरानो मन्त्रीमण्डलका ३६ सदस्यसहित नयाँ सरकारको घोषणा गरेका छन् । मन्त्रीमण्डलले छ नयाँ अनुहार पाएको बताइएको छ ।

इश्लामिक जिहादी समूहको तर्फबाट खतरा महशुस गरेका केइटाले प्रधानमन्त्रीमा आफू निकट व्यक्तिलाई ल्याएका बताइएको छ । नयाँ प्रधानमन्त्रीमा सुमेलोउ बाउबेय माइगा चयन गरिएको छ । उनले रक्षामन्त्री रहेको समय सन् २०१४ मा मालीको सेनाले जिहादी विद्रोहीसँग नराम्रो पराजय ब्यहोरेपछि पदबाट राजिनामा दिएका थिए।

आइतबार घोषणा भएको मन्त्रीमण्डलमा व्यापक हेरफेर भएको बताइएको छ । मालीका प्रधानमन्त्रीबाट सुमेलोउ बाउबेय माइगाले गत शुक्रबार अनपेक्षित रूपमा राजिनामा दिएका थिए ।

केही महिनापछि राष्ट्रपतिको निर्वाचन हुने तयारी भइरहेका समय प्रधानमन्त्री माइगाले कुनै कारण नखुलाई राजिनामा दिएका थिए ।

यसैबीच उता प्यालेस्टाइनले अमेरिकाबाट आफ्ना राजदूतलाई फिर्ता बोलाएको छ । अमेरिकाले जेरुसेलमलाई इजरायलको राजधानीको मान्यता दिएपछि प्यालेस्टाइनले राजदूत फिर्ता बोलाएको हो ।

प्यालेस्टायनी विदेश मन्त्री रियाद अल मलिकीले राजदूत हुसम जोमलोटसँग परामर्श गर्नुपर्ने भएकाले अमेरिकाबाट फिर्ता बोलाइएको बताएका छन् ।

प्यालेस्टाइनका राष्ट्रपति मेहमुद अब्बासले अमेरिकाले जेरुसेलमलाई इजरायलको राजधानीको मान्यता दिएपछि उसका कुनै पनि शान्ति योजनालाई स्वीकार नगर्ने बताएका छन् ।

तर संयुक्त राष्ट्र संघले भने अमेरिकाको निर्णयलाई अस्वीकार गरिदिएको छ । अमेरिकी राष्ट्रपति डोनाल्ड ट्रम्पको घोषणापछि गाजापट्टीमा भएका कयौं झडपमा १३ जना प्यालेस्टाइनीको मृत्यु भएको थियो ।

इजरायली सुरक्षा फौजसँग भएको झडपका क्रममा उनीहरुको मृत्यु भएको थियो ।(एजेन्सी)