भक्तपुर – भक्तपुर जिल्ला मालपोत कार्यालयबाट घुस लिँदै गर्दा नायब सुब्बा देवराज काफ्ले पक्राउ परेको छ । रजिस्ट्रेसन फाँटमा कार्यरत काफ्लेलाई रु एक लाख घुस लिँदै गर्दा बिहिबार दिउँसो अख्तियार दुरुपयोग अनुसन्धान आयोगको टोलीले पक्राउ गरेको छ ।

सुर्यबिनायक नगरपालिका नङ्खेलको जग्गा पास गर्न डोर खटाउने क्रममा आवश्यक दस्तुर रु १५ हजार बुझाइसकेपछि पनि थप रु एक लाख घुस मागेको भन्ने सूचनाका आधारमा आयोगको टोलीले पक्राउ गरेको हो । टोलीले थप अनुसन्धान जारी राखेको छ ।