">
नुवाकोट – निर्वाचन आयोग र राजनीति दहरुले निर्वाचन निष्पक्ष भएको बताइरहँदा नुवाकोटमा एक काँग्रेसलाई एक छापे हानेका भोटसहित मतदान अधिकृत पक्राउ परेका छन् ।
नेपाली कांग्रेसको चुनाव चिन्ह रुखमा छाप लगाएका ५० वटा मतपत्रसहित क्षेत्र नम्बर २ स्थित ताराकेश्वर–२ मा रहेको श्रीकृष्ण उच्च मावि मतदान केन्द्रका अधिकृत अर्जुनबहादुर बस्नेत पक्राउ परेका हुन् ।
रुखमा छाप लगाएर मतपेटिकामा खसाउन लागेको अवस्थामा उनलाई एमाले–माओवादी केन्द्रका कार्यकर्ताहरुले समातेर प्रहरीलाई बुझाएका थिए ।
यो मतदान केन्द्रमा जम्मा १९८३ मतदाता रहेका थिए । आजको मतदानका क्रममा प्रदेश सभातर्फ १३९८ मत खसेको थियो । तर मुचुल्का भने १४४८ मत खसेको उठाइएको थियो । प्रदेश सभातर्फ १३९८ मत खसेको अवस्थामा मुचुल्का भने १४९८ को उठाइएपछि गायव भएको ५० मतले मतदान केन्द्रमै खैलाबैला भएको थियो ।
नुवाकोटका प्रमुख जिल्ला अधिकारी वीरेन्द्र यादवले भने मतदान अधिकृतले एमाले–माओवादी केन्द्रले लगाएको आरोप जस्तो अधिकृत बस्नेतले नगरेको दाबी गरे । मुख्य निर्वाचन अधिकृतको कार्यालयले भने केही बताएको छैन् ।
सो क्षेत्रमा नेपाली काँग्रेसबाट नेता अर्जुननरसिंह केसी र नेकपा एमालेका नारायण खतिवडा उम्मेदवार छन् ।
