">
- अर्थ सरोकार सम्बाददाता
काठमाडौं – बुधबार प्रधानमन्त्री शेरबहादुर देउवाले निर्वाचनका बिषयमा छलफल गर्न अपराह्न ४ बजे बालुवाटारमा बैठक बोलाएका छन् । निर्वाचन आयोगले चुनावको मिति तोक्न आग्रह गरेपछि प्रधानमन्त्री शेरबहादुर देउवाले तीन दलको बैठक बोलाएका हुन् । बठकमा कांग्रेस, एमाले र माओवादी शीर्ष नेताहरु सहभागि हुने भएका छन् ।
प्रधानमन्त्रीसँग निर्वाचन आयोगले मंसिरको पहिलो साताभित्र चुनावको मिति तोक्न आग्रह गरेको थियो । आयोग प्रदेश र संसदको निर्वाचन छुट्टाछुट्टै गर्ने पक्षमा छन् तर प्रधानमन्त्री देउवा एकै पटक गर्ने पक्षमा रहेका छन् भने दलहरु पनि एकै पटक गर्ने पक्षमा उभिएका छन् । चुनावको मिति तोक्ने बारेमा पहिले तीन दल र त्यसपछि सर्वदलिय बैठक बोलाउने तयारी प्रधानमन्त्रीले गरेका छन् ।
