काठमाडौँ । अजोड इन्स्योरेन्सका सीइओसहित ७ जना विरुद्ध अपराध महाशाखामा कारवाहीका लागि उजुरी परेको छ । खुलेआम इन्साइडर ट्रेडिङ गरेको आरोप लागेको अजोड इन्स्योरेन्स कम्पनी लिमिटेडले भित्री कारोबार गरी गरी आर्थिक अपराध गरेको भन्दै लगानीकर्ता केशव कोइरालाले उजुरी दर्ता गराएका छन् ।

कम्पनीकाे उच्च व्यवस्थापनले ५० प्रतिशत हकप्रद घाेषणा पुर्व नै आफन्त र नातेदारका नाममा ठुलाे परिमाणमा सेयर खरिद गरेर मात्रै सूचना प्रकाशन गरेकाे देखिएकाे दाबी गर्दै उनले उजुरी दर्ता गराएका हुन् ।

अजोड इन्स्योरेन्सले अनियमितता गरेकाले यस कार्यमा संलग्न कम्पनीका ४ जना सञ्चालक, सीइओ, अध्यक्ष र सचिवलाई नियन्त्रणमा लिई आवश्यक छानबिन गरिदिन आग्रह गर्दै लगानीकर्ताले उजुरी दर्ता गरेका हुन् ।