">
- अर्थ सरोकार सम्बाददाता
काठमाडौं । नेपाल लाइफ इन्स्योरेन्स कम्पनीको प्रमुख कार्यकारी अधिकृत (सीइओ) सन्तोष प्रसाईंको नियुक्तिलाई बीमा समितिले स्वीकृति दिएको छ । कम्पनीको सञ्चालक समितिले माघ २७ गते प्रसाईंलाई सीइओमा नियुक्त गरेको थियो । यद्यपी बीमा समितिले अनुमति लिन अर्थात् स्वीकृत लिन निर्देशन दिएको थियो ।
समितिबाट अनुमति लिएपछि मात्रै औपचारिकता प्रदान हुने समितिले कम्पनीलाई भनेको थियो ।यस्तै समितिले तत्काल कम्पनीको वेवसाइटमा प्रमुख कार्यकारी अधिकृत भनेर नराख्न निर्देशन दिएको थियो । समितिबाट स्विकृति पाएसँगै सीइओ प्रसाईको कार्यकाल कम्पनीमा ४ वर्षको हुनेछ । यसअघिका सीइओ विवेक झाको कार्यकाल सकिएसँगै प्रसाईँले कार्यबाहक सीईओका रुपमा कार्य गर्दै आएका थिए । प्रसाईँ चार्डड एकाउन्टेन्ट (सीए) पनि हुन् ।
