लिलामीमा सगरमाथा फाइनान्स लिमिटेडको सेयर किन्ने आज (चैत्र १५ गते) अन्तिम दिन रहेको छ । फाइनान्सले गत चैत्र ७ गतेदेखि पाँच लाख ६६ हजार दुई सय ७८ दशमलव ८३ कित्ता हकप्रद सेयर लिलामीमा विक्री गरिरहेको छ ।
हकप्रद सेयर निष्काशनका क्रममा नबिकेकको सगरमाथा फाइनान्स लिमिटेडको संस्थापकतर्फको सात लाख २० हजार तीन सय १८ दशमलव ८३ कित्ता सेयरका लागि फागुन २६ गतेदेखि चैत २ गतेसम्म शिलबन्दी बोलपत्र आह्वान गरिएको थियो । जसमा एक लाख ५४ हजार ४० कित्ता सेयरका लागि मात्रै आवेदन परेपछि बाँकी रहेको सेयरलाई पुनः लिलामीमा निकालिएको थियो ।
सेयरको न्यूनतम मूल्य प्रति सेयर एक सय रुपैयाँ तोकिएको हँुदा सो वा सो भन्दा बढी मूल्य अङ्कित गरी बोलकबोल गर्नुपर्ने छ । कम्पनीको सेयर खरीदको लागि बोलकबोल गर्दा न्यूनतम सय कित्ता वा सो भन्दा १० ले भाग जाने सम्पूर्ण आवेदन दिन सक्नेछ ।
