![](https://arthasarokar.com/wp-content/uploads/2017/02/g.jpg)
काठमाडौं – यो दुवै घटना आइतबार घट्न गयो । संयुक्त अरब इमिरेट्स(युएस) का लागि राजदूतमा सिफारिस भएकी आशा लामाको राजदूतबाट फिर्ता र स्वास्थ्यमन्त्री गगन थापाको अंग दान कार्यक्रम ।
हो, आइतबार युएसका लागि सिफारिस भएकी राजदूत लामासँगै मधेसी कोटाबाट ओमनका लागि राजदूतमा सिफारिस भएकी शर्मिला पराजुलीको नाम हट्दै गर्दा स्वास्थ्यमन्त्री गगनकुमार थापाले शरीरका सात वटा अंग दान गर्ने घोषणा गरे । स्वास्थ्य दिवसका दिन थापाले मृत्युपश्चात् मुटु, फोक्सो, कलेजो, प्यान्क्रियाज, मिर्गौलालगायत दान गर्ने उद्घोष गरिसकेका छन् ।
आशा लामा तिनै महिला हुन्,दोस्रो संविधानसभाको चुनावमा काठमाडौं क्षेत्र नं ४ मा गगन थापाविरुद्ध हेलिकप्टर चुनाव चिन्ह लिएर चुनवी मैदानमा उत्रिएकी थिइन् । । उनले १५ मत पाएकी थिइन् । तर, केही दिनअघि अचम्म भयो । उनी कांग्रेस कोटाबाटै यु्एसका लागि राजदूतमा सिफारिस भइन् । त्यसलगत्तै उनका काला धन्दाहरु सार्वजनिक भएपछि नेपाली कांग्रेसका सभापति शेरबहादुर देउवाले गृहमन्त्री निधिलाई फोन गरेर चाँडोभन्दा चाँडो उनलाई राजदूतबाट हटाउन भन्दै झपारेका थिए । सभापति देउवाले प्रधानमन्त्री प्रचण्डलाई समेत यो विषयका बारेमा सोधखोज गरे ।
अहिले,लामाका धाला धन्दाहरु सार्वजनिक हुने क्रम जारी नै छ । नागरिकतालगायत अन्य किर्ते काम गरेको प्रमाणहरु फेला परेका छन् । राजदूतमा सिफारिस भएको खुसियालीमा भोजभतेर चलाउँने कार्यक्रम समापन गर्न नपाउँदै एक्कासी पदमुक्त हुनुप¥यो । अहिले उनी रुनु न हाँस्नु जस्तो भएकी छिन् । यससँगै अन्य देशका लागि सिफारिस गरिएका राजदूतहरुको चियोचर्चा गर्न थालिएको बताइएको छ ।
- एस काठमाडौं