">
- अर्थ सरोकार सम्बाददाता
काठमाडौं । किसान लघुवित्त वित्तीय संस्थाको चैत २९ गते वार्षिक साधारणसभा हुने भएको छ । सभा संस्थाको आफ्नै भवन लम्कीचुहा नगरपालिका, ४ वलिया कैलालीमा बिहान ११ बजेबाट हुने भएको हो । कम्पनीले यो वर्ष लगानीकर्ताको हात खाली बनाउने भएको छ । सभामा लाभांश वितरण सम्बन्धी एजेन्डा छैन ।
यता सभामा कम्पनीले १००% हकप्रद सेयर निष्कासन गर्ने विशेष प्रस्ताव भने पेश गर्दैछ । सभामा आर्थिक वर्ष २०७६–७७ को नाफा नोक्सान सम्बन्धी हिसाबका सम्बन्धमा छलफल हुनेछ । सभामा कम्पनीको नियमावली संसोधन गर्ने एजेन्डा पनि रहेको छ ।
