">
- अर्थ सरोकार संम्वाददाता
काठमाडौं – नेपाल बैङ्क लिमिटेडले प्रति शेयर १ सय रुपैयाँका दरले एक करोड ५४ लाख ३१ हजार ८ सय ४० कित्ता हकप्रद शेयर निष्कासन गर्ने भएको छ । बैङ्कको ५६ औँ वार्षिक साधारण सभाबाट उक्त निर्णय पारित भएको हो । बैङ्कले आफ्ना सेयर धनीलाई १०ः२।३७४ अर्थात् १ सय कित्ता शेयर बराबर २३ दशमलव ७४ कित्ता हकप्रद शेयर निष्कासन गर्न लागेको हो ।
सो हकप्रद शेयर निष्कासनका लागि सिभिल क्यापिटल मार्केट लिमिटेडलाई हकप्रद शेयर निष्कासन बिक्री प्रबन्धकमा नियुक्त गरी बैङ्क र क्यापिटल मार्केटबीच बुधवार सम्झौता भएको छ । सम्झौतामा बैङ्कको तर्फबाट प्रमुख कार्यकारी अधिकृत देवेन्द्रप्रताप शाह तथा सिभिल क्यापिटल मार्केट लिमिटेडको तर्फबाट प्रमुख कार्यकारी अधिकृत पराग विष्टले हस्ताक्षर गरे ।
हाल बैङ्कको चुक्ता पूँजी रू। छ अर्ब ५० करोड रहेको छ भने हकप्रद शेयर निष्कासनपश्चात् बैङ्कको कुल चुक्ता पूँजी रू। आठ अर्ब चार करोड हुनेछ । हाल चुक्ता पूँजीको ६२।२१ प्रतिशत शेयर स्वामित्व नेपाल सरकारको रहेको छ भने बाँकी बैङ्क कर्मचारी तथा सर्वसाधारणको रहेको छ । हाल बैङ्कले १ सय ३० ओटा शाखामार्फत बैङ्किङ सेवा प्रदान गर्दै आएको छ ।
