काठमाडौं – भार्गव विकास बैंकले चालु आर्थिक वर्षको दोस्रो त्रैमासमा एक करोड ८० लाख आठ हजार रुपैयाँ खुद नाफा कमाएको छ । यो नाफा रकम गत वर्षको यही त्रैमासको भन्दा करिब ७७ लाख ३१ हजार रूपैयाँले धेरै हो । गत वर्ष दोस्रो त्रैमासमा भार्गवले एक करोड दुई लाख ७७ हजार तीन सय ७० रुपैयाँ मात्र खुद नाफा कमाएको थियो । 

भार्गवको खराब कर्जा अनुपात थोरैले माथि गएको छ । गत वर्ष दोस्रो त्रैमासमा ०।३०५ मात्र रहेको खराब कर्जा यो वर्ष ०.४२५ पुगेकोे छ । भार्गवको चुक्ता पुँजी १४ करोड ४० लाख रुपैयाँ छ । बैंकको जगेडा कोषमा भने चार करोड आठ लाख ८४ हजार छ सय ३० रुपैयाँ छ ।

त्यस्तै, भार्गवले खुद ब्याज आम्दानीमा एक करोड २५ लाख ८३ हजार तीन सय ३० रुपैयाँले बढोत्तरी गरेको छ । बैंकले गत वर्ष दुई करोड ४८ लाख ५० रुपैयाँ खुद ब्याज आम्दानी रहेकोमा यो पटक बढाएर तीन करोड ७३ लाख ८३ हजार तीन सय ८० रुपैयाँ पुर्याएको छ ।