काठमाडौँ – मकवानपुरको थाहा नगरपालिकामा अवस्थित बज्रबाराही उच्च माबिले गर्न लागेको धार्मिक तथा शैक्षिक महोत्सबको प्रचारप्रसारको लागि प्रचारप्रसार उपसमिति गठन भएको छ । दामन पोस्ट साप्ताहिक पत्रिका तथा अनालाईन संस्करणका सम्पादक शन्तराम बिडारीको संयोजकत्वमा शनिबार धार्मिक तथा शैक्षिक मेला प्रचारप्रसार उपसमिति गठन गरिएको हो ।

पूर्वबिद्यार्थी बिडारीको सयोजकत्वमा गठित समितीमा रामजी बलामी, कुमार नेगी,सुरज भुजेल, राजेश श्रेष्ठ, निराजन गोपाली, रुपक कालिराज, मुक्तिनाथ उप्रेती सदस्य रहेका छन । मेलाको व्यापक प्रचारप्रसार गर्न उपसमितिले सदस्यहरु थप गरि पदाधिकारी चयन गर्ने तयारी रहेको संयोजक शान्तराम बिडारीले जानाकारी गराउनुभयो ।

प्रभावकारी कार्यसम्पादनमा सहजता ल्याउन फोकल कार्यालय बज्रबाराहीमा, र स्टेरीङ अफिस काठमाडौंको बागबजारमा राख्ने तयारी भएको उहाँले बताउनुभयो । बिद्यालयको धार्मिक तथा शैक्षिक विकासका लागी आयोजना हुन लागेको महोत्सब आगामी पुस १५ गतेदेखि २२ गतेसम्म चल्नेछ । महोत्सवमा कथा वाचक गोबिन्द शरण महाराजले प्रवचन दिने कार्यक्रम छ । महेश्वर सुवेदीको संयोजकत्वमा गठित मूल व्यवस्थापन समितिले महोत्सवबाट करिव ५ करोड रकम संकलन गर्ने लक्ष्य राखेको छ ।