काठमाडौँ – चिनियाँ राष्ट्रपति सी जिनपिङ सँग साइटलाइन संवाद गर्न भन्दै प्रधानमन्त्री पुष्पकमल दाहाल प्रचण्ड भारत जाने तयारी गरीराखेका छन् । ब्रिक्स सम्मेलनमा भाग लिन चिनियाँ राष्टपति सी असोजको अन्तिम साता भारतको गुवा जाँदैछन् । उनलाई भेट्न र साइडलाइन संवाद गर्न प्रधानमन्त्री दाहाल गुवा जाने तयारीमा रहेको परराष्ट सल्लाहकार ऋषि अधिकारीले बताए ।

चिनियाँ राष्टपतिको नेपाल भ्रमण स्थगित भएपछि उनलाई भेट्न दाहाल भारत जान लागेका हुन् । चिनियाँ राष्टपति सहभागि हुने सम्मेलनमा प्रधानमन्त्री दाहाल आमन्त्रित छैनन् तर पर्यबेक्षकका रुपमा जाने र त्यही भेटवार्ता गर्ने योजना दाहालले बनाएका छन् ।

तर चिनियाँ राष्टपतिसँगको साइडलाइन संवाद भने अझै तय भएको छैन । भेटवार्ताको मिति तय भएपछि २८ असोजमा भारत जाने तयारीमा प्रधानमन्त्री दाहाल रहेका छन् । चिनियाँ राष्टपति सीसँगको भेटवार्ता तय गर्न प्रधानमन्त्री दाहालले परराष्टमन्त्री र चिनियाँ राजदूतसँग आग्रह गरेका छन् ।

तर चीनले भेटघाटको समय निर्धारित गरिसकेको छैन । सीसँग भेट नहुँने भएपछि प्रधानमन्त्री भारत नजाने भएका छन् । सीलाई भेट्नु मात्र उनको उदेश्य रहेको छ । यही महिना भारतको राजकीय भ्रमण गरेका दाहाल फेरी भारत जाने तयारी थालेका छन् । सीसँगको भेटवार्ता तय भए दाहाल एउटै महिना दुई पटक भारत पुग्ने भएका छन् ।