• अर्थ सरोकार सम्बाददाता 

काठमाडौं । एनएलजी इन्स्योरेन्सको वार्षिक साधारणसभा साउन २१ गते बिहीबार हुने भएको छ । सभा कम्पनीको  प्रधान कार्यालय पानीपोखरीमा बिहान १० बजेबाट सुरु हुने भएको हो । कम्पनीले १०.५२% लाभांश प्रस्ताव पारित गर्ने विशेष एजेन्डा राखेर सभा बोलाएको हो ।  

यस्तै आर्थिक वर्ष २०७६/७७ को वार्षिक प्रतिवेदन, नाफा नोक्सान हिसाब तथा नगद प्रवाह विवरणमा छलफल गरी पारित गर्ने एजेन्डा पनि सभामा रहेको छ । सभाका लागि साउन १४ गतेबाट बुक क्लोज गर्ने भएको छ । त्यसैले साउन १३ गतेसम्म कायम सेयरधनीले मात्रै प्रस्तावित लाभांश  पाउनेछन् ।