काठमाडौं–नेपाल राष्ट्र बैंकले तोकेको अनुपातमा विपन्न वर्ग कर्जा प्रवाह नगरेको भन्दै हिमालयन बैंकलाई १ करोड १५ लाख ६६१ रूपैयाँ जरिवाना गरेको छ । चालु आर्थिक वर्षको पहिलो र दोस्रो त्रैमासिकमा तोकिएको अनुपातमा विपन्न वर्ग कर्जा सीमा अनुसार नभउको पाइएपछि राष्ट्र बैंकले हिमालयन बैंकलाई जरिवाना गरेको हो ।
राष्ट्र बैंकले पहिलो त्रैमासिक साउन–असोज मा ५६ लाख ८१ हजार ८३५ रुपैयाँ र दोस्रो त्रैमासिक कात्तिक–पुस मा ५८ लाख ४४ हजार ५ सय २७ रुपैयाँ जरिवाना तिरएको छ । विपन्न वर्ग कर्जा नपुगेको भन्दै ठूलो रकम जरिवाना गरिएको यो पहिलो हो । आजको कारोबार दैनिकमा खबर छ ।