काठमाडौँ – हिमालयन बैंकको व्यवस्थापन समूहले राजतिलक साप्ताहिकका प्रकाशक – सम्पादक भूपेन्द्र आचार्य बिरुद्ध मानहानीको मुद्दा दायर गरेको छ । राजतिलक साप्ताहीक र आर्थिक बजार मासिकका प्रधान सम्पादक रहेका आचार्य विरुद्ध राजतिल्क साप्ताहिकका समाचारहरुले आफ्नो बैंक र आफुहरुको मानहानी भएको भन्दै बैंकले जिल्ला अदालत काठमाडौंमा मुद्दा दायर गरेको छ । 

के गरे आचार्यले ?

आचार्य भन्छन्, ‘हिमालयन बैकभित्र भएका अनियमितता र चोरीका काण्डहरुको बारेमा समाचार प्रवाह गरेका छौं र थियौं । यस वीचमा मलाई फोन गरी मार्ने धम्की समेत दिइएको थियो । हिमालयन बैंकका सिइओको बारेमा अख्तियार दुरुपयोग अनुसन्धान आयोगका उजुरी र राष्ट्र बैंकले विपन्न कर्जाबारे गरेको कारवाहीको आधारमा समाचार लेखेका हौं । उजुरीको कपी र राष्ट्रबैंकको कारवाही पत्र हामीसँग सुरक्षित छ ।

के भन्छन् पत्रकार आचार्य ? 

पत्रकार आचार्य अगाडी भन्छन्, जे भएपनि , हामीले जनताको पैसा सुरक्षित गर्नेबारे खबरदारी गरेका हौं । कसैको मानहानी गर्ने गरी समाचार प्रवाह गरेका होइनौ । हाम्रो उद्देश्य बसैको व्यक्तिगत चरित्र हत्या गर्ने होइन । नेपाली जनताको पैसा (डिपोजिट) भएको बैंकभित्र भएका दर्जनौ काण्डका बारेमा उनीहरुलाई सचेत गराउँने दायित्व हाम्रो पनि हो । सूचनाको हक हामीलाई पनि छ । जनताको पैसामा फूपूको श्राद्ध गर्ने बैंकको व्यवस्थापन टिम र त्यसका नाइके सिइओ अशोक राणाले समाचार लेखेको वापत प्रेस काउन्सीलमा उजुरी दिने ठाउँ हुदाँ हुदै अदालत जादैमा समाचार रोकिने छैन ।’