काठमाडौँ – अर्थ सरोकार डटकमले यसअघि बससेवा डटकम नामका अनलाइनले गैरकानुनी धन्दा चलाईरहेको समाचार प्रकाशन गरेपछि उक्त अनलाइन संचालन गर्ने दियालो टेक्नोलोजिजविरुद्ध अख्तियारमा उजुरी परेको छ । दर्ता नम्बर ४५३१ मा उक्त कम्पनी विरुद्ध अख्तियारमा उजुरी परेको हो । नेपाल सरकारको नियम विपरित पैसा असुल्दै जनतालाई ठग्ने काम गरिरहेको भन्दै उक्त कम्पनीविरुद्ध अख्तियारमा उजुरी परेको हो । 

कसले गर्यो उजुरी ?

अर्थ सरोकार डटकमसँग कुराकानी गर्दै उजुरीकर्ताले आफ्नो नाम उल्लेख नगर्ने बताएका छन् । मैले बससेवा डटकमलाइ नजिक बाट नियालेको छु । उक्त अनलाइनले कमिसनको लोभमा जनताबाट बढी पैसा असुल्ने र नियम नमान्ने गरेको छ। ‘ त्यसमाथि यसबिषयमा अर्थ सरोकार डटकममा समाचार आएपछि त प्रमाण नै फेला पर्यो । त्यसपछि मैले उजुरी दिएँ ।’ उनले आफुले यातायात व्यवस्था विभागमा पनि पटक पटक यो कुरा भनेको भएपनि सुनुवाई नभएको बताएका छन् । उनी अगाडी भन्छन्,’ बससेवा डटकमले खुलेआम लूट मच्चाईरहंदा पनि कोहि बोलेका थिएनन् । मैले थुप्रैपटक यातायात व्यवस्था विभागका कर्मचारीहरुलाई यस बिषयमा जानकारी गराएको थिएँ । मलाइ त यहाँ ठुलै सेटिङ छ जस्तो लागेको छ  र त्यहि छानविन गरी पाउन भनी अख्तियारमा उजुरी दिएको छु । कम्पनीलाई कारवाही नभए म यातायात व्यवस्था विभागका कर्मचारी विरुद्ध पनि अख्तियारमा उजुरी दिन्छु । ‘ उनले भने ।  उजुरी बारे थाहा छ वा छैन भन्ने बुझ्न खोज्दा बससेवा डटकममा दिइएको नम्बर उठेन । 

यो पनि पढ्नुहोस् :

यातायात व्यवस्था विभागको नियम मिचेर टिकट बेच्दैछ बस सेवा डटकम, विभाग भन्छ, ‘अनुगमन गरी कारवाही गर्छौं”