काठमाडौं – नेकपा माओवादी केन्द्रका सांसदहरु मानव तस्करी काण्डमा मुछिरहेका बेला आदिवासी जनजाति महासंघका पूर्वअध्यक्ष तथा पूर्वसभासद् पासाङ शेर्पा र वर्तमान उपाध्यक्ष डन्डु शेर्पा मानव ओसारपसारमा तानिएका छन् । सांस्कृति कार्यक्रमका नाममा गैर कलाकारबाट रकम लिएर मेक्सिको पठाएको भन्दै उनीहरु छानविनमा तानिएका हुन् ।

 सांस्कृतिक कार्यक्रमको आवरणमा तीन करोड ९० लाख रूपैयाँ असुलेर १३ जना गैर कलाकारलाई कलाकार मेक्सिको पुर्याइ उतै छाडेर आएको आरोप उनीहरुलाई लागेको छ । पासाङ पूर्व सभासद तथा नयाँ शक्ति नेपालका सचिवालय सदस्य हुन् । मेक्सिकोमा आयोजित हिमाल आदिवासी जनजातिको संस्कृति आदानप्रदान कार्यक्रममा सहभागी गराउन गत चैतमा पासाङ र डन्डुले १३ जनालाई लगेका थिए । जाँदा १५ जना गएपनि फर्कदा उनीहरू मात्र फर्किए । ती १३ जना अमेरिका पुगिसकेकोसमाचार छ ।