कतार – बैदेशिक रोजगारको शिलशिलामा कतार पुगेका ७ जना नेपाली काम गरेको तलव नपाएर अलपत्र परेका छन। लाजिम्पाट, काठमाडौंमा रहेको रोयल ओभर्सिज मेनपावरबाट कतारको एक पाकिस्तानी कम्पनीमा पुगेका ७ जना युवक ६ महिना देखि तलब नपाउदा अलपत्र परेका हुन।
अलपत्र पर्ने नेपालीहरुमा नवलपरासीका साजन पुन, डान्स लम्साल, पिताम्बर लम्सालरहेका छन् भने, स्याङजाका नागेस बिक, पाल्पाका खुम राना, भोजपुरका गङराम खडका र रुपन्देहीका दयालु यादब रहेका छन।
कम्पनीले तलब दिन्छु भन्दै काम लगाएको तर, ६ महिना वितिसक्दा पनि तलब नदिएर उनीहरुसंग खाना खाने सम्म पैसा नभएर उनीहरु समस्यामा छन् । केही महिना अघि म्यानपावरमा फोन गर्दा समेत फोन नउठाएको उनीहरुले गुनासो रहेका छन् ।
उनीहरु भन्छन् ‘रिचार्ज गरेर दुतावासमा फोन गरौ भने पैसाछैन, दुताबास कता छ, त्यो पनि थाहा छैन’, अहिले कोहिसंग पनि सम्पर्क नभएको उनीहरुको भनाई छ । उनीहरु हाल कोठा छोडेर बाहिर निकल्न सक्ने अवस्था पनि छैन।
उनीहरुले नेपाली दूतावास कतार तथा कतारमा आवद्ध गैरसरकारी संघ सस्थालाई उद्दारको लागि अपिल गरेका छन।
