काठमाण्डौ –  जनता बैंक नेपालले त्रिवेणी विकास बैंकसँग मर्जरको सहमति गरेको छ । शुक्रबार दुवै बैंक बीच मर्जर सम्बन्धी सम्झौता भएको हो । यसअघि माछापुच्छे बैंकसँग बैंकको मर्जर प्रक्रिया भाँडिएको थियो ।  दुवै बैंकबीच सेयर स्वाप रेसियो समेत एक बराबर एक नै तय भएको बताइएको छ । 

जनता बैंकले ५० प्रतिशत हकप्रद जारी गर्ने स्वीकृति पाइसकेको छ । आगामी कात्तिक १८ गतेदेखि दुवै बैंकको सेयर कारोबार रोकिनेछ । यता जनता बैंकसँग गाभिने सम्झौता गरेको त्रिबेणीको हाल ८२ करोड चुक्तापूँजी रहेको छ । त्रिवेणीले हकप्रद भन्दा पहिलेको चुक्ता पूँजीमा १९ प्रतिशत हाराहारीमा बोनस पनि जारी गर्नेछ । 

मर्जरपछि झण्डै ५ अर्ब पुग्नेछ । अपुग चुक्तापूँजीका लागि बोनस सेयरसँगै भविष्यमा अन्य कुनै बित्तीय संस्थासँग समेत मर्जर गरिने बुझिएको छ ।