">
- प्रनिश थापा /अर्थ सरोकार डटकम
काठमाडौं – अर्थ सरोकारले सोमबारको अंकमा चितवनका जिल्ला शिक्षा अधिकारीले सरकारी गाडीको दुरुपयोग गरेको भनी सप्रमाण एक्स्लुसिभ मार्फत पर्दाफास गरेपछि मकवानपुर हेटौंडा बस्ने आशरिती पाण्डेले मंगलबार राती ९:०५ मा न्युज २४ बाट प्रशारण हुने सिधा कुरा जनतासंगमा टेलिफोन मार्फत प्रश्न राखे ।
चितवनका जिशिअले पटकपटक सवारी साधन दुरुपयोग गर्ने गरेको भन्दै कार्वाही हुन्छ कि हुँदैन ? शिक्षा मन्त्रालयमा सोधिदिनु हुन अनुरोध गरे । तर, त्यहाँका एक महिलाले उनको समस्या नै नसुनी फोन काटेको पाण्डेले बताईन । चितवन संबाददाता प्रनिश थापालाई टेलिफोन गर्दै पाण्डेले यस्तो बताएकी हुन् । उनी भन्छिन् मैले पैसा नलाग्ने नम्बर १६६००११२४२४ मार्फत आफ्नु गुनासो राखेको थिए ।
मेरो फोन प्रस्तोता रबि लामिछाने सित ट्रान्सर्फर भएनन् । एउटा लेडिजले फोन उठायो र समस्या नै नसुनी फोन राखिदिए को बताइन् । मैले गुनासो राख्न फोन गरेको थिए । उहाँले, फोन उठाउनु भयो । मैले चितवनका जिशिअले गाडी दुरुपयोग गरेको बारे गुनासो टिपाउन खोजेकी हु , मात्रै के भनेकी थिइन उहाँले समस्या बुझिसकेको भन्दै फोन राखिदिएको बताइन् ।
उनी प्रश्न गर्छन् : नाम , गाडी नम्बर , कहाँको जिशिअ हो ? केही , अत्तोपत्तो नै नभई कसरी मेरो गुनासो बुझें भन्नुभयो उहाँले म आश्चर्यजनक भएको छु । पाण्डेले भनिन् ‘यस अगाडि मैले चार वटा उजुरी टिपाएको थिए । त्यो एउटा पनि सम्बोधन भएन ।’
नाममात्रको सेवा हो , सिधा कुरा जनतासंग । जनताको गुनासो सुन्छु भन्ने तर, नसुन्ने परिपाटी अन्त्य हुनुपर्ने उनी बताउछिन् । सिधा कुरा जनतासंग कार्यक्रम ल्याएका न्युज २४ ले मंगलबार, बिहीबार र शनिबार गरेर हप्ताको तीन पल्ट प्रस्तोता रवि लामिछानेबाट राती ८: ५० बजेबाट कार्यक्रम सुरु हुने बताएका थिए ।
जनताको गुनासो सुन्ने भने पनि आफ्नु पायक पर्ने मान्छेको मात्रै गुनासो सुन्ने गरेकोमा नागरिकले असन्तुष्टि जनाएका छन् । यता, न्युज २४ भने यो मान्न तयार छैनन् । हामीले वास्तविकता बुझ्न कार्यालय को ०१४४४६१९९ मा बुधबार बिहान १० बजे सम्पर्क गरेका थियौं । त्यहाँका कर्मचारीले जनताको गुनासो शतप्रतिशत सहि नभएको बताए ।
त्यहाँका एक कर्मचारीले भने, हामीले जनताको गुनासो सुन्ने भनेरै यो कार्यक्रम ल्याएका हौं । जनताको गुनासो हामीले किन नसुन्ने, शतप्रतिशत सुन्छौ । कहिँ कत्तै समस्या भए त्यो बेग्लै कुरा हो । तर, अहिलेसम्म एक महिना दुई हप्ताको अवधिमा हामि कहाँ २ हजार भन्द बढी जनताको गुनासो आईसकेको सन्दर्भमा कसरी भन्न सकिन्छ गुनासो सुन्दैन भनेर ?
