काठमाडौँ – अनलाइन ट्रेडिङ सिष्टम ल्याउने प्रक्रिया सुरु भएको खबरले उत्साहित भएका लगानीकर्तालाई अर्को खुसीको खबर छ । नेपाल बैंकर्स संघका अध्यक्ष अनिल शाहले बैंकको ब्याजदर अर्को साताबाट घट्ने बताएका छन् । बैंकर्स संघले आयोजना गरेको एक कार्यक्रममा शाहले यस्तो बताएका हुन् । 

‘अब ब्याजदरमा स्थायित्व आउँछ । अहिले बैंकसँग निक्षेपकर्तालाई फिर्ता गर्ने पैसा अभाव छैन तर कर्जा दिने पैसा चाहिं छैन । 

कर्जा दिने पैसा नहुँदा कर्जा-पूँजी-निक्षेप अनुपात ८० प्रतिशत माथि पुगेकाले त्यसलाई घटाउन निक्षेपको ब्याज बढाउनु परेको हो । प्रतिस्पर्धाले ब्याजदर १३/१४ प्रतिशतसम्म पुग्यो । अब हामी कर्जा विस्तारलाई रोक्छौं। यसले ब्याजदर अब बढ्दैन । मलाई लाग्छ अर्को साताबाट क्रमश घट्दै जान्छ।’ उनले भने ।