×

Live on

रेडियो अर्थ सरोकार

Listen to live radio.

चितवनमा सामाजिक स्वास्थ्य सुरक्षा ‘स्वास्थ्य विमा’ कार्यक्रम सुरु हुने

GLOBAL IME BANK

चितवनमा सामाजिक स्वास्थ्य सुरक्षा ‘स्वास्थ्य विमा’ कार्यक्रम सुरु हुने

४ फाल्गुन २०७३, बुधबार

पढ्न लाग्ने समय: १ मिनेटभन्दा कम

  • प्रनिश थापा / अर्थ सरोकार डटकम
काठमाण्डौ –  चितवनमा पनि सामाजिक स्वास्थ्य सुरक्षा ‘स्वास्थ्य विमा’ कार्यक्रम सुरु हुने भएको छ । आगामी चैत्र १ गतेदेखि स्वास्थ्य विमा कार्यक्रमका लागि सदस्यता वितरण गरिने भएको हो । नेपाल सरकार अन्तर्गतको सामाजिक स्वास्थ्य सुरक्षा विकास समितिले भरतपुरमा आयोजना गरेको अन्तरक्रिया कार्यक्रममा यस्तो जानकारी गराइएको हो । 
नेपाल सरकारले आर्थिक वर्ष २०७२/७३ बाट स्वास्थ्य विमा कार्यक्रम शुरु गरेको हो । पाँच जनासम्मको परिवारले वार्षिक दुई हजार पाँच सय रुपैयाँ तिरेपछि वार्षिक रुपमा ५० हजार रुपैयाँसम्मको स्वास्थ्य सेवा निशुल्क रुपमा पाइने छ ।हालसम्म मुलुकका आठ वटा जिल्लामा स्वास्थ्य विमा कार्यक्रम सुरु भइसेकेको र अब चितवन, झापा, तनहूँ, गोरखा, भक्तपुरमा स्वास्थ्य कार्यक्रम लागू गरिने सामाजिक स्वास्थ्य सुरक्षा विकास समिति का कार्यकारी निर्देशक डाक्टर गुणराज लोहनीले बताए ।
 चितवन सहितका पाँच जिल्लामा आगामी चैत्र १ गतेदेखि सदस्यता वितरण कार्य शुरु गरिने डाक्टर लोहनीले जानकारी दिए । सदस्यता निर्माण पश्चात चितवनमा आगामी जेष्ठ १ गतेदेखि स्वास्थ्य विमा कार्यक्रम शुरु हुने लोहनीको भनाइ छ । स्वास्थ्य विमा कार्यक्रमबाट चितवनमा भरतपुर अस्पताल, चितवन मेडिकल कलेज र वीपी कोइराला मेमोरियल क्यान्सर अस्पताल र भरतपुर आँखा अस्पतालबाट सेवा पाउने बताइएको छ ।
 चालु आर्थिक वर्ष २०७३/७४ मा सरकारले २५ जिल्लामा कार्यक्रम पु¥याउने लक्ष्य लिएको डाक्टर लोहनीको भनाइ छ । कार्यक्रममा बोल्दै भरतपुर अस्पतालका मेडिकल सुपरिटेण्डेन्ट डाक्टर रुद्र प्रसाद मरासिनीले सरकारले ल्याएको कार्यक्रम निकै चुनौतीपुर्ण रहेको बताए । आगामी जेठ १ गतेबाट सेवा सञ्चालन गराउन भरतपुर अस्पताल तयार रहेको डाक्टर मरानिनीको भनाइ छ । औषधि र रोग उपचारको मूल्य सबै सेवा दिने अस्पतालमा एकै हुनुपर्ने डाक्टर मरासिनीले बताए ।
स्वास्थ्यकर्मी आन्दोलनमा 
उता, स्वास्थ्य सेवा ऐन कार्यन्वयनको माग गर्दै चितवनमा स्वास्थ्यकर्मीहरु आन्दोलित भएका छन् । स्वास्थ्य सेवा ऐनको दफा ९ ख कार्यान्वयन तथा व्यवस्थापनमा सरकार उदाशिन भएको भन्दै संयुक्त टे«ड युनियन संघर्ष समिति चितवनले आन्दोलन थालेको छ । संघर्ष समितिले आन्दोलन कार्यक्रम अन्तर्गत आजदेखि आकस्मिक सेवा बाहेकका सम्पुर्ण कार्यक्रमहरु बहिष्कार गरेको छ ।
 नेपाल स्वास्थ्यकर्मी युनियन चितवन
नेपाल स्वास्थ्यकर्मी संघ चितवन , नेपाल स्वास्थ्य प्राबिधिक संघ चितवन, अखिल नेपाल प्रगतिशिल स्वास्थ्य कर्मी संगठन चितवन, राष्ट्रिय स्वास्थ्यकर्मी संघ नेपाल र संयुक्त ट्रेड नियन संघर्ष समिती चितवनले संयुक्त रुपमा बिज्ञप्ती जारी गदै आन्दोलनको घोषणा गरेका हुन् । स्वास्थ्य सेवा ऐनको दफा ९ ख लाई स्वास्थ्य मन्त्रालयले छलफलका लागि मन्त्रीपरिषदमा लैजाने आश्वासन दिएको भए पनि नलगे पछि आफूहरुले बाध्यताबश आन्दोल गर्नुपरेको संयुक्त ट्रेड युनियन संघर्ष समिती चितवनका संयोजक इन्द्रलाल न्यौपानेले जानकारी दिए ।
Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: