स्थानीयले
बताए अनुसार माटोको भाँडामा राखेर गाडिएका पुराना सिक्काहरु (गाडधन)
स्थानीयले लगे । प्रहरीहरु यसमा रमिते बनेर बसे । सडकमा भेटिएको रहल-पहल
पैसा खोज्न त्यहाँ सोमबारदेखि नै मानिसहरु भिडिरहेका छन् । प्रहरीले रमिता
हेरिरहेकै छ । सोमबार पैसाकेा भाँडो नै भेटिएको थियो, जुन त्यहाँ जम्मा भएका स्थानीयले लगेका छन् ।

मंगलबार
पनि खन्ने क्रममा केही पैसा भेटिएको छ । त्यही भएर मानिसहरु त्यहाँ
कुखुराले जसरी माटो खोसि्ररहेका थिए । केहीले सिक्का भेट्टाएका पनि छन् ।
भेटिएको सिक्का हेर्दा निकै पुराना जस्ता देखिए पनि खिया लागेका कारण
त्यसमा लेखिएको केही बुझ्न सक्ने अवस्था छैन ।

ललितपुरका
प्रमुख जिल्ला अधिकारी दीपक काफ्लेले माटोमुनि सिक्का भेटिएको पुष्टि गरेका
छन् । तर प्रहरीकै अगाडि भेटिएको पुरातात्विक सामाग्री प्रशासनको हातमा
पुग्यो कि स्थानीयले लगे भन्नेबारे भने प्रष्ट हुन सकेकाे छैन ।