- अर्थ सरोकार संम्वाददाता
काठमाडौं – नेपाल स्टक एक्सचेन्ज ९नेप्से० ले अनलाइन ट्रेडिङमा तत्काल जाने निर्णय गरेको छ । नेप्सेको मंगलबार बसेको संचालक समितिको बैठकले तत्काल नेप्सेलार्इ अनलाइन ट्रेडिङमा लैजाने निर्णय गरेको हो । २ वर्ष अगाडि नेप्सेले पुरानो सफ्टवेयर विस्थापन गरि नयाँ ल्याउन बोलपत्र आह्वान गरेको थियो ।
बोलपत्र मार्फत भारतको ूइन्फिनिटी कम्प्युटर सोलुसनलेू नेप्सेको मापदण्ड अनुसार टेन्डर हात पार्यो । टेन्डर परेपछि भारतीय कम्पनी ूइन्फिनिटी कम्प्युटर सोलुसनले ूनेपाली सफ्टवेयर कम्पनी वाईकोलाई साझेदार बनाएको थियो ।
२०७२ साल फागुनमा सफ्टवेयर कम्पनी र नेप्से बीच १० देखि १४ महिनाभित्र काम सक्ने सम्झौता भएको थियो । पहिलो पटक नेपाली कम्पनीले नेपालकै लागि मात्रै यो सफ्टवेयर निर्माण गर्न लागेको र धितोपत्र बोर्डले भनेजस्तो अनुभव पनि नभएकोले आफुसंग सम्झौता गरी काम गर्न नचाहेको भन्दै वाईकोले जिल्ला अदालतमा मुद्दा दायर गर्यो ।
जिल्ला अदालतले समझदारीमा काम अघि बढाउ भन्दै फैसला सुनाए पश्चात पुन वाईकोले पाटन उच्च अदालतमा मुद्धा हालेको थियो । पछिल्लो समय पाटन उच्च अदालतले वाईकोको पक्षमा फैसला गरेपछि नेप्सेलाई अनलाइन ट्रेडिंग अगाडि बढाउन सजिलो भएको हो ।
