पुस्तकालयले सम्वत २०५५ सम्म किताब फिर्ता लगी फिर्ता नगर्नेलाई दैनिक १० पैसा र ५६ बाट दैनिक १ रुपैयाँ विलम्ब शुल्क तोकेको छ । शुल्क तोके पनि एकपटक गृह र दुईपटक उपप्रधानमन्त्री भइसकेका थापाले अनुशासन पालना गरेको पाइन्न । किताब फिर्ता नगरेपछि ४१ वर्षमा उनको नाममा ७ हजार ८१ रुपैयाँ बिलम्ब शुल्क उठेको छ । २०२४ सालमा स्थापित केन्द्रीय पुस्तकालयबाट धेरैले धेरै किताब लगे पनि समाचार प्रकाशन÷प्रसारण भएपछि कतिपयले किताब र विलम्ब शुल्क बुझाएका छन् ।

मुलुकमा पुस्तकालय कानुन छैन । उजुर बाजुर गर्ने ठाउँ हुने त कुरै आएन । केन्द्रीय पुस्तकालय प्रमुख सीता शर्माले भनिन्, ‘पहिले–पहिले लाइब्रेरी क्लियरेन्स नचाहिने हुँदा लगेकाले किताब फिर्ता गर्ने पर्दैनथ्यो । त्यही भएर अध्ययनका लागि लगिएका किताब फिर्ता हुने सकेन । तर, किताब लैजानेलाई फेरि एकपटक अनुरोध गर्छौं ।’ किताब लैजानेलाई बाटोमा भेट्दासमेत फिर्ता गरिदिनुप¥यो भनेर अनुरोध गरेको बुक चेकर केसीले सुनाइन् । -जनआस्था साप्ताहिकबाट