काठमाडौँ – सेबोनले नेप्से र सेयर ब्रोकरहरुलाई परिपत्र गर्दै सेकेण्डरी मार्केटमा सेमी–अनलाइन प्रणालीको सुरुवात सकेसम्म चांडो गर्न निर्देशन दिएको छ । 

बोर्डले सेमी अनलाइन कारोबार प्रणालीको माध्यमबाट लगानीकर्ताहरुले धितोपत्रको खरिद बिक्री आदेश दिदाँ ब्रोकर कम्पनीबाट सम्बन्धित लगानीकर्ताहरुलाई केवाइसीको आधारमा लगानीकर्ता स्वयंलाई यूजर नेम र पासवर्ड दिई इन्टरनेट मार्फत खरिद विक्री आदेश दिन सक्ने व्यवस्था गर्न निर्देशन दिएको छ । भने लगानीकर्ताहरुबाट इन्टरनेटमार्फत प्राप्त खरिद बिक्री आदेशलाई समय प्राथमिकताको आधारमा खरिद बिक्री प्रणालीमा प्रविष्ट गर्ने व्यवस्था मिलाउन समेत बोर्डले निर्देशन दिएको छ । 

नेपाल धीतोपत्र बोर्डका प्रवक्ता निरज गिरीले जारी गरेको एक विज्ञप्तिअनुसार धितोपत्र कारोवार सम्बन्धी विवरण तथा सूचना समेत लगानीकर्ताहरुले इन्टरनेट मार्फत पाउन सक्ने व्यवस्था गर्न निर्देशन दिइएको छ ।