पब्लिकेसनका अनुसार झापाको एक्सेल डेभलपमेन्ट बैँक बिर्तामोड शाखाको प्याब्सनको खाता नम्बर १०४७३मा अनुदानका रूपमा लाखौँ रकम माग गरिएको हो । झापा प्याब्सनले निजी पब्लिकेसनसँग केही दिनअघि तीन–तीन लाख रुपैयाँ मागेको थियो । यता झापा प्याब्सनका अध्यक्ष कोषकुमार प्याकुरेलले सभाहल निर्माणका लागि पब्लिकेसनहरूलाई सहयोग गर्न आग्रह गरेको बताएका छन् । ‘यो हाम्रो निरन्तरता हो, रकम तोकेर अनिवार्य गरेका छैनौँ,’ अध्यक्ष प्याकुरेलले भने ।