- अर्थ सरोकार सम्बाददाता
सुर्खेत- देशभर रहेका नक्कली अडिटर र लेखापरिक्षण कार्यका दलालहरुलाई निष्क्रिय पार्ने भन्दै आइक्यानले अन्तरक्रिया गरेको केहि समयमा नै सुर्खेतमा पत्रिकामा सुचनानै प्रकाशित गरेर दलाली गर्ने गरेको पाइएको छ । स्मार्ट कन्सलटेन्सीका नाममा खुलेआम यस्तो धन्दा चलेको भेटिएको छ । घर तथा जग्गा विक्री, एसएलसीको ट्युसन, लगायतका सेवा दिने बहानामा लेखापरीक्षण रिपोर्टको दलाली पनि गरिएको छ ।
लेखा व्यवसायको नियमनकारी निकाय आइक्यानको नियम अनुसार यसरी विज्ञापन गरी लेखापरीक्षण सेवा दिने जानकारी दिन पाइंदैन भने दर्तावाला लेखापरिक्षक र सिएबाहेक कसैले पनि बाह्य लेखापरिक्षण गर्न पाउँदैन ।
यसबारे दिइएको नम्बरमा सम्पर्क गर्न खोज्दा उनको फोन अफ पाइएको छ । यस विषयमा आइक्यानले कस्तो कदम चाल्छ, त्यो भने हेर्न बाँकी नै छ ।
