- अर्थ सरोकार सम्बाददाता
काठमाडौँ- शुभम् मिडिया प्रालिद्वारा सञ्चालित आर्थिक अनलाइन समाचार पोर्टल अर्थ सरोकार डटकम, र अर्थ सरोकार टेलिभिजन कार्यक्रम तेश्रो बर्षमा प्रवेश गरको छ । २०७३ साल साउन १ गतेबाट प्रकाशन हुन सुरु भएको अर्थ सरोकार डटकम र सोहि मितिबाट औपचारिक प्रशारण सुरु भएको अर्थ सरोकार टेलिभिजन कार्यक्रम तेश्रो बर्षमा प्रवेश गरेको हो । स्थापनाको छोटो समयमै पाठक र दर्शकको माया बटुल्न सफल अर्थ सरोकार डटकम र अर्थ सरोकार टेलिभिजन कार्यक्रम तेश्रो बर्षमा प्रवेश गरेको अवसरमा अर्थ सरोकार सञ्चालक कम्पनी शुभम् मिडिया प्रालिका प्रबन्ध निर्देशक सुरज प्याकुरेलले अनलाइन र टेलिभिजन काय्रक्रमलाई माया, साथ र विश्वास दिने सबै दर्शक, पाठक, शुभचिन्तक र बिज्ञापनदाताहरुलाई आभार प्रकट गरेका छन् । एक सार्वजनिक सन्देश जारी गर्दै उनले आफुहरु अझै परिस्कृत भएर अगाडी बढ्ने प्रतिबद्धतासमेत व्यक्त गरेका छन् ।
देशभर प्रशारण पहुँचसहित रेडियो कार्यक्रम सुरु, टेलिभिजन कार्यक्रमको समय परिवर्तन
अनलाइन र टेलिभिजन कार्यक्रम तेश्रो बर्षमा प्रवेश भएसँगै रेडियो कार्यक्रम अर्थ सरोकार पनि सुरु भएको छ । देशका दर्जन बढी रेडियोहरुमा उक्त कार्यक्रम प्रशारण हुनेछ । हालका लागि रेडियो कार्यक्रम रेडियो धनगढी, रेडियो बिजयाकिल्ला-सिन्धुली, रेडियो रुपाकोट-खोटाङ, सामुदायिक रेडियो हर्मी-गोरखा, आफ्नो एफएम- रुकुम, शैलेश्वरी एफएम-डोटी, रेडियो तहल्का सल्यान, रेडियो सरोबर-हेटौंडा, रेडियो शैलुङ दोलखा, रेडियो अछाम-अछाम, रेडियो शिवराज कपिलबस्तु, र मेरो एफएम काठमाडौँबाट विभिन्न समयमा प्रशारण हुने भएको छ । साथै रेडियोको संख्या अझै बढ्नेसमेत शुभम् मिडिया प्रालि व्यवस्थापन जनाएको छ ।
यसैबीच अर्थ सरोकार टेलिभिजन कार्यक्रमको समयसमेत परिवर्तन भएको छ । यसअघि बेलुकी ६:३० बजे प्रशारण हुने गरेको अर्थ सरोकार टेलिभिजन कार्यक्रम अवदेखि प्रत्येक मंगलबार राती ९:३० बजे र त्यसको पुन: प्रशारण बुधबार विहान ४:३० बजे टिभी टुडे टेलिभिजनमा र बुधबार राती ९:३० बजे टिभी वान टेलिभिजनमा हुने भएको छ । साथै यो कार्यक्रम अन्य टेलिभिजनहरुबाट पनि प्राशरणको तयारी भइरहेको व्यवस्थापनले जनाएको छ ।
