जोखिम न्यूनीकरणका लागि गरिने बीमाभित्रका विकृत रुपहरु एक-एक गरी बाहिर आउन थालेका छन् । भविष्यमा भइपरी आउने घटनाको जोखिमको न्यूनीकरणका लागि गरिने बीमाका कतिपय गलत नीति र बीमित र तिनका अभिभावकको गलत नियतका कारण नसुन्नुपर्ने घटनाको साक्षी हुनुपरेको छ हामी । घटना रौतहटको हो । मौलापुर नगरपालिका, रौतहटका रामकिशोरका ५ सन्तान थिए । ती ५ सन्तान मध्येकी कान्छी छोरी थिइन् लक्ष्मी । भर्खर ४ वर्षे पुगेकी ती अबोध बालिकालाई बीमा रकमको लोभले आफ्नै बाबुले मारे भन्ने सुन्दा जो कोहीलाई पनि अचम्म लाग्न सक्छ । तर यो सत्य हो । २०७६ असार १६ गते राति बीमा रकम पाउने लोभले रामकिशोरले आफ्नै कलिली छोरीको ज्यान लिए ।

यस्तो थियो घटनाको नालीबेली 

२०७६ साल असार १६ गते राती लक्ष्मी र उनकी आमा खाना खाएर सुते । कामले दिनभर थाकेकी आमा र कलिली छोरी निदाए । रातको झन्डै १ बजेको थियो । लक्ष्मीकि आमा निन्द्राबाट ब्युँझिइन् । निन्द्राबाट ब्युझिदा उनले आफ्नी प्यारी कान्छी छोरी देखिनन् । आफ्नै ओछ्यानमा रहेकी छोरी नदेख्दा उनी आत्तिइन् । सबैलाई हार गुहार मागेपछि परिवारका अन्य सदस्यहरु पनि ब्युँझिए । ओछ्यानमा रहेकी आफ्नी कान्छी ४ बर्षीय छोरी एकाएक हराएपछि घरका सबै आत्तिए । छोरी कतै पनि नभेटिएपछि विहान करिब साढे ४ बजे इलाका प्रहरी कार्यालय मौलापुरमा खबर पुग्यो । र त्यसपछि प्रहरीले घटनाबारे अनुसन्धान सुरु गर्यो । 

बिहान करिब साढे ५ बजेको हुँदो हो । स्थानीय केटाकेटीहरु स्थानीय फगुनी राय यादवको माछा पोखरीमा एउटा बच्चाको लाश पानीमा तैरिरहेको देखे । पोखरीमा लास तैरिएको देखिएपछि उनीहरुले पनि प्रहरीलाई खबर गरे । प्रहरीको अनुसन्धान र परिवारका सदस्यको बयानपछि पोखरीमा भेटिएको उक्त ४ बर्षीय लक्ष्मीकै भएको पुष्टि भयो । प्रहरीले सुक्ष्म अनुसन्धान गरेपछि एउटा निर्मम निष्कर्ष बाहिर आयो । बीमा कम्पनीबाट आउने २५ लाख रुपैयाँको लोभमा उनले आफ्नै छोरीको हत्या गरेको खुल्यो । पोष्टमार्टम रिपोर्टले हत्यापछि मात्र पानीमा फालेको देखाएको छ । त्यसपछि गाउँ नै स्तब्ध भएको छ । 

यस्तो छ जीवनबीमाको ‘डिटेल’

मृतक लक्ष्मीको २०७६ जेठ १९ गते २५ लाख रुपैयाँको जीवनबीमा भएको छ । प्रभु लाइफ इन्स्योरेन्स गरुडा उपशाखाबाट उनको बीमा भएको देखिएको छ । मृतक बालिकाका बाबु रामकिसोरले योजनाबद्ध रुपमा बीमा गराई छोरीको हत्या गरेको निष्कर्ष प्रहरीको छ । यसो त प्रहरीले मृतक बालिकाका बाबुलाई शंकाको घेरामा राखेर अनुसन्धान गरिरहेको थियो । रामकिसोरले ५ सन्तानमध्ये सबैभन्दा कान्छी सानी छोरीकोमात्र जीवन बीमा गराउनु, जीवन बीमाको रकम अस्वभाविक रुपमा आर्थिक हैसियतभन्दा ठूलो हुनु, घरबाटै छोरी हराउनु र हत्या भएको सो रात बाबुका गतिविधि शंकास्पद देखिएपछि प्रहरीले गहिरो अनुसन्धान गरेको थियो । बीमा रकम प्राप्तगर्ने योजनाअनुसार हत्या गरेको उनले स्वीकारेका छन् । सुरुमा ३० लाखको बीमा गराउन चाहेको तर बीमा कम्पनीले ३० लाखको गर्न आमा वा बाबु मध्ये एक जनाको समेत ३० लाखको बीमा हुनुपर्ने कुरा बताएपछि २ दिनपछि २५ लाखको बीमा गराएको अनुसन्धानबाट देखिएको छ।

प्रहरीसँगको बयानमा उनले घरमा निदाईरहेकी छोरीलाई मध्यरातमा आफैँले काँधमा बोकी पोखरीको डिलसम्म लगेको, त्यहाँ घाँटी थिचेको र बालिकाको मृत्यु भएपछि पोखरीमा बालिका फालिदिएको बयान दिएका छन् । प्रहरी अनुसन्धानमा जीवन बीमा गराउने अभिकर्ता धर्बेन्द्र यादवले रामकिसोरलाई उपाय सिकाएको खुलेको छ। उनी लक्ष्मीको बीमाको प्रस्तावक पनि हुन् । धर्बेन्द्र हाल फरार रहेको प्रहरीको भनाइ छ ।

को हुन् रामकिसोर ?

छुटाउनुभयो कि ?

• रौतहटको घटनापछि झस्कियो बीमा क्षेत्र, महालक्ष्मीका सीईओ भन्छन्, ‘बुढि मरि भन्दा पनि काल पल्कने खतरा बढ्यो’

• घोर कलियुग : प्रभु लाइफ इन्सुरेन्सको बीमा रकमको लोभमा बाबुले गरे छोरीको हत्या !