काठमाडौं । प्रहरीले ९८ हजार नगदसहित तीन जना जुवाडेलाई पक्राउ गरेको छ । प्रहरीलाई प्राप्त सूचनाका आधारमा कोहलपुर नगरपालिका–११ स्थित पुष्पराज खनालको घरमा जुवा चलिरहेको बेला उनीहरुलाई पक्राउ परेका हुन् । अन्य तीन जना भने फरार रहेको प्रहरीले जानकारी दिएको छ । 

पक्राउ पर्नेहरुमा कोहलपुरका उमेश शाही, केशवराज क्षेत्री र नरबहादुर खत्री रहेका छन् । उनीहरुका साथबाट ९८ हजार २०० नगद रकम बरामद गरेको जिल्ला प्रहरी कार्यालय बाँकेका प्रहरीका प्रवक्ता एवं प्रहरी नायब उपरीक्षक शिवबहादुर सिंहले जानकारी दिए ।