काठमाडौँ । बिहिबार प्रधानमन्त्री निवास बालुवाटारमा डेपुटी गभर्नर चिन्तामणि शिवाकोटीको पुस्तक बिमोचन कार्यक्रम थियो । बैंकरहरुलाई गाह्रो नपरोस् भनेर छुट्टै पासको व्यवस्था गरिएको थिएन । त्यहि भीडमा एक जना कैलाश बिकास बैंक पीडीत व्यवसायी थिए । विशेष पासको व्यवस्था नभएकाले उनी सहजै कार्यक्रमस्थल पुगे । 

निर्धारित समयभन्दा केहि ढिलो गरी कार्यक्रम सुरु भयो । प्रधानमन्त्री कार्यक्रम स्थलमा आइपुगे र कार्यक्रम सुरु भयो । डेपुटी गभर्नर चिन्तामणिशिवाकोटीले लेखेको पुस्तक पनि सार्वजनिक भयो र प्रधानमन्त्री ओलीले पनि लामै भाषण गरेपछि कार्यक्रम समापन भयो । आफ्नो भाषण सकिएपछि प्रधानमन्त्री हिड्न मात्र के लागेका थिए, ‘उताबाट व्यवसायी रेशम राज पन्थी प्रधानमन्त्रीलाई ‘नमस्कार’ भन्दै आइपुगे ।

प्रधानमन्त्री ओली पन्थीलाई चिन्दथे । राजनीतिक करियरका क्रममा थुप्रै पटक ओली पन्थीको घरमा बसेका छन् । ‘ओहो नमस्कार पन्थी जी’ प्रधानमन्त्रीले पनि पूरानै चिनजानको शैलीमा उत्तर फर्काए । सँगै गएकी पन्थीकि छोरीसंग पनि प्रधानमन्त्रीले केहि सम्बाद गरे । यहि बीचमा रेशम राज पन्थी बोले, ‘मलाई त कैलाश बिकास बैंकबाट ठुलो अन्याय भयो । मलाई लुटियो ।’ शिवाकोटीलाई इंकित गर्दै उनले भने, ‘यिनीबाट न्यायको अपेक्षा थियो । तर राष्ट्र बैंक र कैलाश बैंक मिल्दारहेछन् । मलाई डुबाए ।’

प्रधानमन्त्री अलि मलिन देखिए । ‘के भएको हो निवेदन छोडीदिनु म हेर्छु’ भनेर प्रधानमन्त्री बोलेपछि पन्थी खुसी देखिए । अर्कोपटक भेटघातका लागि समय दिन प्रधानमन्त्रीले आफ्ना मान्छेहरुलाई अर्हाए । फोन नम्बर साटासाट भयो र पन्थी फर्किए । प्रधानमन्त्रीले भने अनुसार नै उनले प्रधानमन्त्री कार्यालयमा निवेदन छोडेका छन् । कैलाश बिकास बैंकलाई सीआइबी लगाएर छानविन गर्नुपर्ने उनको माग छ । राष्ट्र बैंक र कैलाश बिकास बैंक उनको प्रकरणमा मिलेको उनको आरोप छ । 

कैलाश बिकास बैंकले मलाई बैंकमा छिर्न समेत दिएन : पन्थी 

यता रेशम राज पन्थीले आफुलाई बैंकले बैंकको भवनमा छिर्न समेत नदिएको दावी गरेका छन् । ‘म बैंकमा न्याय माग्न गएको थिएँ । तर बैंकले मलाई भवनभित्र छिर्नसमेत दिएन । मेरो पैसा खाइएको छ । मलाई ठगिएको छ । तर मलाई नै बैंकमा छिर्नसमेत दिइएन । बैंकका सीइओले समेत यो केसमा मिलेमतो गरेका छन् । उनलाई सम्पत्ति सुद्धिकरणले अनुसन्धान गर्नुपर्छ । बैंकका डेपुटी सीइओमाथि पनि छानविन हुनुपर्ने हो । तर राष्ट्र बैंकसँगको मिलेमतोमा मलाई अफ्ट्यारो पारियो ।’ उनले भने ।  उनले बैंकलाई बुझाउन गएको निवेदन यस्तो थियो :

तर उनलाई बैंकभित्र पस्न पनि नदिएको उनको दावी छ । 

बैंक भन्छ, ‘हामीले क्लिन चिट पाइसक्यौं’

यता बैंकले भने आफुहरुले यस विषयमा क्लिन चिट पाईसकेको दावी गर्छ । हुन पनि राष्ट्र बैंकले यस प्रकरणमा विशेष निरीक्षण टोली पठाएर यस विषयमा अनुसन्धान गरेको थियो । र यस प्रकरणमा बैंकको दोष नभएको भनी रिपोर्ट बनाएको थियो । तर रेशम राज पन्थीले भने बैंकको निरीक्षण टोलीले समेत आफुलाई बैंकले फसाएको बताएको तर अन्तिममा बैंक र राष्ट्र बैंकको मिलेमतोमा बैंकलाई दोषबाट उम्काइएको दावी गरेका छन् । ‘मैले बैंकमाथि सीआइबी लगाएर छानविन हुनुपर्यो भन्ने माग गरेको छु । यति हुन सक्यो भने बैंकका थुप्रै आर्थिक अपराध बाहिर आउनेछन् । तर राष्ट्र बैंकसेमत कैलाश बिकास बैंकको पछी लागेर मलाई सिध्याएर मसँग लुटिएको रकम भाग लगाउने दाउमा छन्। ‘ उनले आरोप लगाए । 

के थियो घटना ?

कैलाश बिकास बैंकको यो प्रकरणमा रेशम राज पन्थीको करोडौं रुपैयाँ फसेको छ । कानुनलाई टेकेर आफुलाई फसाइएको पन्थीको आरोप छ भने बैंक आफ्नो गल्ती नभएको दावी गरिरहेको छ । यहि विषयलाई लिएर अर्थ सरोकार समूहले विशेष टेलिभिजन कार्यक्रम बनाएको थियो । हेर्नुहोस् भिडियो :