काठमाडौं । इसेवाले ग्राहकहरुलाई रकम जम्मा वा ट्रान्सफर गर्दा कुनै शुल्क नलिने व्यवस्था गरेको छ ।कोरोनाको सन्त्रास फैलिँदै गए पछि इसेवाले डिजिटल कारोबारलाई प्रोत्साहन गर्ने सरकारी नीति अनुसार इसेवाबाट जुनसुकै बैंकमा रकम पठाउँदा शुल्क नलाग्ने जानकारी दिएको हो । इसेवाले बिहीबार रातीदेखि अप्रिल ३० सम्मका लागी लागु हुनेगरी बैंकमा रकम ट्रान्सफर गर्दा शुल्क नलाग्ने बनाएको हो । इसेवामार्फत इसेवा खातामै (पिटुपी ट्रान्स्फर) गर्दा यसअघि नै निशुल्क सेवा रहेकोमा अब बैंक ट्रान्स्फर पनि निशुल्क बनाइएको हो ।
इसेवाका प्रमुख कार्यकारी अधिकृत सुभास सापकोटाले अहिले बैंकहरुसँगको सहकार्यमा बैंक ट्रान्सफरलाई निशुल्क बनाएको बताएका छन् । इसेवाले ग्राहकका लागि अन्य सहुलियतका कार्यक्रमसमेत ल्याउने पनि उनले बताए । इसेवामार्फत मोबाईल, टेलिफोन, इन्टरनेट, बिजुली तथा खानेपानीको महशुल भुक्तानी, रिचार्ज, हवाइजहाज, बसको टिकट, स्कुल कलेजको शुल्कलगायतका दुई हजार भन्दा बढी सेवाहरूको शुल्क भुक्तानी गर्न सकिन्छ । इसेवामा हाल ४९ वटा बैंक तथावित्तीय संस्था सदस्य रहेका छन् । यी बैंकबाट इसेवामा सहजै रकम जम्मा गर्न तथा इसेवाबाट बैंक खातामा रकम पठाउन सकिन्छ ।
