काठमाडौं । आइतबारदेखि सेयर कारोबार दैनिक ५ घन्टा खुल्ने भएको छ।  बोर्डले नेप्सेलाई ५ घन्टा कारोबार गर्नको लागि मौखिक रुपमा भनिसकेको छ।  सोहि अनुसार आइतबारदेखि  १०ः ३० बजेबाट ३ः३० बजेसम्म सेयर कारोबार हुने भएको हो।  

यसअघि दैनिक ४ घन्टा अर्थात ११ बजेदेखि ३ बजेसम्म कारोबार हुँदै आएको थियो । यता नेपाल धितोपत्र बोर्डका अध्यक्ष भीष्मराज ढुंगानाले कारोबार थप्ने विषयमा भइरहेको तयारी पूरा भएको र आइतबारदेखि सेयर कारोबारको समय एकघण्टा थपेर ५ घण्टा बनाइने बताएका हुन् । 

त्यसै अनुरुप आगामी आइतबारबाट १०ः ३० बजेबाट ३ः३० बजेसम्म अर्थात दैनिक ५ घन्टा सेयर कारोबार खुलाउनु भनेर नेप्सेमा मौखिक जानकारी आएको  नेप्सेकै एक अधिकारी बताएका छन्।  अब नेप्सेले धितोपत्र कारोबार सञ्चालन विनियमावली-२०७५ को कारोबार सञ्चालनको उपनियम २ मा कारोबार समय र सत्रमा बोर्डलाई जानकारी दिई आवश्यकता अनुसार हेरफेर हुनेछ।