काठमाडौं । सरकारले कोरोना भाइरसबारे उच्च सर्तकता अपनाउने विषयमा छलफल गर्न सर्वदलीय बैठक आह्वान गर्ने भएको छ । विश्वव्यापी रुपमा कोरोना भाइरस फैलिएसँगै सरकारले उच्च सर्तकता अपनाउने विषयमा छलफल गर्न सर्वदलीय बैठक आह्वान गर्ने भएको हो। 

सरकारका प्रवक्ता एवं सञ्चार तथा सूचना प्रविधिमन्त्री डा. युवराज खतिवडाले दिएको जानकारी अनुसार कोरोना जोखिम रोकथाम गर्न गठित उच्चस्तरीय समितिको मंगलबार बसेको बैठकले सर्वदलीय बैठक डाक्ने निर्णय गरेको हो। यद्यपी बैठकको मिति भने तय भइनसकेको उनले जानकारी दिए।

साथै उनले राजनीतिक समझदारीको सन्देश दिन पनि यस्तो बैठक अपरिहार्य रहेको बताए।