काठमाडौँ । प्रहरीले तोकेको भन्दा बढी भाडा लिने २० जनालाई पक्राउ गरेको छ । प्रहरीले रुपेश कार्की, देवेन्द्र कार्की, सन्तोष श्रेष्ठ, गोविन्द बुढाथोकी, कमल गुरुङ, लालबहादुर भुजेल, रोशन राणा कुँवर, कर्ण थिङ, आकाश लामा, शुक्र लामा, तिलक लामा, गौतम तामाङलाइ पक्राउ गरेको हो ।

महानगरीय ट्राफिक प्रहरी महाशाखाका प्रवक्ता एवं प्रहरी उपरीक्षक जीवनकुमार श्रेष्ठका अनुसार उनीहलाई नयाँ बसपार्क, कोटेश्वर, बल्खु, चावहिल र गौशालाबाट नियन्त्रणमा लिइएको हो । 

ट्राफिक प्रहरीको हटलाइन नम्बर १०३ मा आएको गुनासोका आधारमा सहज र सुरक्षित यात्राका लागि महानगरीय ट्राफिक प्रहरी महाशाखाले यात्रु बनेर स्टिङ अपरेशन चलाएको थियो । सोही क्रममा आइतबार २० जनालाई पक्राउ गरिएको हो ।