काठमाडौँ – अमेरिकाको टेक्ससकी एक १८ वर्षे युवतीले कोरोनाभाइरस फैलाउँछु भनेर धम्की दिएपछि पुलिसले पक्राउ गरेको कार्लटोन प्रहरीलाई उद्धृत गर्दै सीएनएनले जानकारी दिएको छ । उनले स्न्यापच्याटमा श्रृङ्खलाबद्ध भिडियो पोस्ट गर्दै यस्तो धम्की दिएकी हुन् ।

लोरेन मारादियागाले आफूले कोरोनाभाइरसको परीक्षण गरेको तर रिपोर्ट नेगेटिभ आएको पछि पुलिसलाई जानकारी दिइन् । मारादियागाले आतंकवादी धम्की दिएको, तेस्रो डिग्रीको अपराध गरेको कसुरमा डेन्टन काउन्टी जेलमा सरुवा गरेको पुलिसले जानकारी दिएको छ । वर्ल्डोमिटरको पछिल्लो आँकडा अनुसार अमेरिकामा हालसम्म चार लाख बढी कोरोनाभाइरसद्वारा संक्रमित छन् र १२ हजार बढीले ज्यान गुमाइसकेको छन् । -एजेन्सी