• अर्थ सरोकार सम्बाददाता 

विराटनगर । लकडाउनका बेला नेपाल आयल निगमको प्रदेश एक डिपोले हप्ताको दुई दिन पेट्रोलियम पदार्थ बिक्री गर्ने भएको छ ।  निगमको प्रादेशिक डिपो विराटनगरले आइतबार र शुक्रबार पेट्रोलियम पदार्थ बिक्री गर्ने जनाएको हो ।

शुक्रबार (आज) एक विज्ञप्ति जारी गर्दै लकडाउनको अवधिमा सञ्चालन हुने यातायातका साधनहरुलाई पेट्रोलियम पदार्थको अभाव नहोस् भन्ने उद्देश्यले यस्तो व्यवस्था गरिएको डिपोले जनाएको छ । पेट्रोलियम पदार्थको मौज्दात पर्याप्त रहेकाले पूर्वी नेपालमा आगामी अढाइ महिनासम्म इन्धन अभाव नहुने विराटनगरस्थित आयल निगम कार्यालयले जनाएको छ ।