कोरोना भाइरसविरुद्ध लड्न नौ राजदूतले एक महिनाको तलब सहयोग गर्ने !

अर्थ सरोकार सम्बाददाता

काठमाडौं – नौ नेपाली राजदूतले आफ्नो एक महिना बापतको तलब कोरोना भाइरस सङ्क्रमण रोकथाम, नियन्त्रण तथा उपचार कोषमा जम्मा गर्ने भएका छन् । मध्यपूर्व तथा खाडी देशमा खटिएका नौ नेपाली राजदूतले आफ्नो एक महिनाबापतको तलब उक्त कोषमा जम्मा गर्ने भएका हुन् । जम्मा गर्नेमा इजराइल, इजिप्ट, ओमान, कतार, कुवेत, पाकिस्तान र बहराइन, साउदी अरब र युएईका नेपाली राजदूतरहेका छन् ।

कतारका लागि नारदनाथ भारद्वज, इजराइलका लागि डा. अञ्जना शाक्य, इजिप्टका लागि झविन्द्रप्रसाद अर्याल, ओमानका लागि शर्मिला पराजुली ढकाल, कुवेतका लागि दुर्गाप्रसाद भण्डारी, पाकिस्तानका लागि सेवा लम्साल, बहराइनका लागि सुन्दास, युएईका लागि कृष्णप्रसाद ढकाल र साउदी अरबका लागि महेन्द्रप्रसाद सिंह राजपुतले एक महिनाको तलब राहत कोषमा दिने निर्णय गरेका हुन्।