अव उनीविरुद्ध पुनस् अर्को मुद्धा सुरु हुनेछ । यहि हिसावले उनी केहि महिना हिरासतमै बस्ने देखिएको छ। उनीविरुद्ध कालोबजारी तथा केही सामाजिक अपराध तथा सजाय ऐन, २०३२ अनुसार कारबाही गर्न जिल्ला सरकारी वकिल कार्यालयले जिल्ला अदालतमा मुद्धा दायर गरेको थियो । कालोबजारी ऐन अन्तर्गतको एक वर्षसम्म कैद हुने मुद्धा जिल्ला प्रशासन कार्यालयले हेर्ने कानूनी व्यवस्था भए पनि जिल्ला सरकारी वकिल कार्यालयले अग्रवालविरुद्ध १ वर्ष भन्दा बढी कैद सजाय माग गरेकाले मुद्धा जिल्ला अदालतमा दर्ता भएको थियो।उनीमाथि सम्पत्ति शुद्धिकरणसम्बन्धी विषयमा पनि अनुसन्धान गर्नुपर्ने भएकाले पक्राउ गरिएको परिसरका प्रवक्ता डीएसपी होविन्द्र बोगटीले जानकारी दिए । अग्रवाललाई सम्पत्ति शुद्धिकरण अनुसन्धान विभागमा पठाइने उनले बताए ।

आज अदालत परिसरमा के के देखियो ?

अदालतले २५ लाख धरौटी मागेपछि धरौटी रकम लिएर उनका भाइ अदालत पुगे । थप प्रक्रिया पूरा गरेर उनी अदालतबाट निस्कने तयारीमा थिए । बाहिर उनका बुबा, उनका भाइ लगायतका आफन्तको ठुलो उपस्थिति थियो । उनलाई लिन भनेर आधा दर्जन गाडीहरु तैनाथ थिए ।   

 

जव उनी बाहिर निस्कने बेला आयो उनले मिडियाको ठुलो ग्यांग देखे । मुख्य गेटमा मिडियाको भीड भएको भन्दै उनले अर्को गेटबाट आफुलाई लैजान आग्रह गरे । तर प्रहरीले उनलाई त्यसो गर्न नदिएपछि उनी आफ्ना बाबु र भाइसँगै मुख्य गेटतिरै लागे ।