• अर्थ सरोकार सम्बाददाता 

काठमाडौँ । डिप्रोक्स लघुवित्त वित्तीय संस्था ले चालु आर्थिक वर्षको तेस्रो त्रैमाससम्मको वित्तीय विवरण सार्वजनिक गरेको छ । सार्वजनिक विवरण अनुसार लघुवित्तले २६ करोड ४२ लाख रुपैयाँ खुद नाफा कमाएको । गत आर्थिक वर्षको यसै अवधिमा लघुवित्तले २८ करोड ७२ लाख रुपैयाँ नाफा कमाएको थियो । अर्थात लघुवित्तको नाफा ८ प्रतिशतले घटेको छ । 

सार्वजनिक विवरण अनुसार चैत मसान्तसम्ममा लघुवित्तले ६६ करोड ७६ लाख रुपैयाँ खुद ब्याज आम्दानी गरेको छ । गत वर्षको यसै अवधिमा लघुवित्तले ५८ करोड ४० लाख रुपैयाँ खुद ब्याज आम्दानी गरेको थियो। सञ्चालन नाफा भने ३८ करोड रुपैयाँबाट घटेर २६ करोड रुपैयाँमा झरेको छ । लकडाउनका कारण चैत्र मसान्तसम्म ब्याज उठाउन नसक्दा लघुवित्तको नाफा घटेको हो । यता यस अवधिमा अवधिमा लघुवित्तको खराब कर्जा पनि ह्वातै बढेको छ। गत वषको यसै अवधिमा ०.८८ प्रतिशत रहेको खराब कर्जा बढेर २.५८ प्रतिशत पुगेको छ । सावाँकै माया मार्नुपर्ने गरी कर्जा प्रवाह गर्दा यस्तो स्थिति आएको विश्लेषण गरिएको छ ।  खर्च बेसी गरेको संस्थाले कर्मचारी खर्च ह्वात्तै बढाएको देखिएको छ ।  एक अर्ब रुपैयाँ चुक्ता पूँजी रहेको लघुवित्तको जगेडा कोषमा ८२ करोड ३८ लाख रुपैयाँ रहेको छ।

समीक्षा अवधिमा लघुवित्तले ४ अर्ब ८९ करोड रुपैयाँ निक्षेप संकलन गरी १२ अर्ब ६ करोड रुपैयाँ कर्जा लगानी गरेको छ। गत वर्षको यसै अवधिमा लघुवित्तको निक्षेप संकलन ३ अर्ब ३४ करोड रुपैयाँ र कर्जा लगानी १० अर्ब ६३ करोड रुपैयाँ रहेको थियो।  प्रतिशेयर आम्दानी ३४ रुपैयाँ ४ पैसा रहेको लघुवित्तको प्रतिशेयर नेटवर्थ १६३ रुपैयाँ ९४ पैसा र मूल्य आम्दानी अनुपात २१.६६ गुणा रहेको छ।