• सुदर्शन श्रेष्ठ / अर्थ सरोकार सुदुरपश्चिम ब्युरो 

कैलाली । धनगढीमा रहेको एनआईसी एशिया बैंकको सुदूरपश्चिम प्रादेशिक कार्यालयको एटिएम तोडफोड गर्ने व्यक्तिको सीसीटिभीमा कैद भएको तस्विरका आधारमा प्रहरीले नीजलाई खोज्न थालेको छ । जिल्ला प्रहरी कार्यालय कैलालीका प्रहरी नायव उपरिक्षक प्रतिक विष्टले दिएको जानकारी अनुसार बिहिबार मध्यरातमा बैंकको एटिएम फोड्ने प्रयास गरेका उनी उक्त एटिएमबाट रकम चोर्न नसकेपछि फरार भएका थिए । शर्ट, कालो मास्क, एउटा हातमा ब्रासलेट र अर्को हातमा पहेंलो घडी लगाएका उनको स्पष्ट तस्विर सीसीटिभीमा कैद भएको छ । र सोहि तस्विरका आधारमा उनको खोजी कार्य सुरु भएको हो ।

प्रहरी नायव उपरिक्षक विष्टका अनुसार एटिएम नीजले एटिएम मेशिनमा क्षति पुर्याएका छन् । यद्यपी उनले पैसा भने चोरेर लैजान सकेनन् । यसअघि पनि कैलालीको गोदावरी नगरपालिका वडा नं २ अत्तरियामा रहेको एनआईसी एसिया बैंकको एटिएम तोडफोड गरी पैसा चोरी गर्न खोज्ने पक्राउ परेका थिए । यसपटक पनि एटिएम मेशिन तोडफोड गर्नेलाई पक्राउ गरीछाड्ने प्रहरीको दाबी छ ।