• अर्थ सरोकार सम्बाददाता

काठमाडौँ । बैंकका कर्मचारीहरुले परिचयपत्र देखाएर हिड्न दिएको प्रहरीले कार्डको व्यापक दुरुपयोग भएको निष्कर्ष निकाल्दै अव बैंकको परिचयपत्रका आधारमा हिड्न नदिने भएको छ । राष्ट्र बैंकको अनुरोधमा मंगलबार प्रहरीले बैंकका कर्मचारीलाई छोड्ने गरेको थियो ।

‘सहज हुन्छ भनेर छोडेको, यहाँ त बढी दुरुपयोग भयो । सडकमा जाम भयो । वा बैंकका कर्मचारीले राष्ट्र बैंकको पास नबोकी हिड्न पाउँदैनन्।  सबैतिर यहि जानकारी गराएका छौं ।’  महानगरीय ट्राफिक महाशाखाका एक उच्च अधिकारीले भने, ‘जति गर्दा पनि नहुने रहेछ । त्यसैले अव कठोर बन्छौं । कतिपयले अर्थ सरोकारको समाचार पनि देखाएका थिएँ । हामीले मंगलबार छोडेका पनि हौँ । तर हद गर्न थालेपछि यसरी नहुने रहेछ भन्ने निष्कर्ष निकाल्यौं ।’