- अर्थ सरोकार सम्बाददाता
काठमाडौं । कच्चा पेट्रोलियम पदार्थको मूल्यमा भारी गिरावट आएको छ । अन्तराष्ट्रिय बजारमा कच्चा पेट्रोलियम पदार्थको मूल्य ६१.५ प्रतिशतले गिरावट आएको हो । नेपाल राष्ट्र बैंकका अनुसार १० महिनाको अवधिमा उक्त गिरावट आएको हो । राष्ट्र बैंकले २०७६ बैशाख मसान्तमा प्रति ब्यारल अमेरिकी डलर ७२.५३ रहेको कच्चा पेट्रोलियम पदार्थको मूल्य २०७७ बैशाख मसान्तमा ६१.५ प्रतिशतले घटेर प्रति ब्यारल अमेरिकी डलर २७.८९ मा कायम रहेको जनाएको छ ।
यस्तै राष्ट्र बैंकले अन्तर्राष्ट्रिय बजारमा २०७६ बैशाख मसान्तमा प्रति आउन्स सुनको मूल्य अमेरिकी डलर १२९८.४० रहेकोमा २०७७ बैशाख मसान्तमा ३१.६ प्रतिशतले बढेर अमेरिकी डलर १७०८.४ पुगेको जनाएको छ ।
