- अर्थ सरोकार सम्बाददाता
काठमाडौँ । सर्वोच्च अदालतले सेयर बजार नखुलाएकोबारे कारण देखाउ आदेश जारी गरेको छ । लकडाउनका कारण लामो समयदेखि सेयर बजार बन्द भएपछि सेयर बजार खुलाउन माग गर्दै सर्वोच्चमा रिट दायर भएको थियो । न्यायधीश हरिकृष्ण कार्कीको एकल इजलाशले आइतबार सरकारको नाममा कारण देखाउ आदेश जारि गरेको हो ।
रिटमा प्रधानमन्त्री तथा मन्त्रिपरिषद कार्यालय, अर्थ मन्त्रालय, धितोपत्र बोर्ड अनि नेपाल स्टक एक्सचेञ्जलाई विपक्षी बनाइएको छ । अदालतले दुवै पक्षलाई छलफलमा समेत बोलाएको छ । अधिवक्ताद्वय रपिश पोखरेल र हरिप्रसाद दाहालले लकडाउन सुरु भएपछि बन्द भएको सेयर कारोबार खुला हुनुपर्ने माग राखी सर्वोच्च अदालतमा रिट निवेदन दर्ता गरेका थिए ।
