">
- अर्थ सरोकार सम्बाददाता
काठमाडौँ । आज (मंगलबार) काठमाडौँ उपत्यकासहित देशका विभिन्न स्थानमा गाईजात्रा मनाइँदै छ । यस वर्ष कोरोना कहरकैबीच उक्त जात्रा मनाइँदैछ । विशेषगरी नेवार समुदायले मनाउने यो पर्व वर्ष दिनभित्र दिवंगत भएका आफन्तको सम्झना गरिँदै मनाउने गर्दछन् । दिवंगत आफन्तहरूको सम्झनामा मानिसलाई गाईको रूप धारण गराई नगरपरिक्रमा गराएमा वर्षभरिमा मृत्यु भएका आफन्तहरू गाईको पुच्छर समाई वैतरणी पार गर्छन् भन्ने धार्मिक विश्वास पनि रहँदै आएको छ ।
उपत्यकामा काठमाडौं, पाटन र भक्तपुरका दरबार क्षेत्र परिक्रमा गरेर गाईजात्रा मनाउने गरिन्छ । यस्तै ओखलढुंगा, भोजपुर, सुनसरीको धरान, बाग्लुङ, पाल्पालगायतका स्थानका नेवार समुदायले यो जात्रा मनाउँदै आएका छन् । हेर्नुहोस् काठमाडौँको बसन्तपुरमा देखिएका दृश्यहरु…
