- अर्थ सरोकार सम्बाददाता
काठमाडौँ । एनआईसी एशिया लघुवित्त र स्वदेश लघुवित्त वित्तीय संस्था मर्जरमा जाने भएका छन् । लघुवित्तमा क्रस होल्डिङ भएपछि एनआईसी एशिया लघुवित्त र स्वदेश लघुवित्त वित्तीय संस्था मर्जरमा जाने भएका हुन् । यी दुई संस्थाबीच साउन ३२ गते मर्जर तथा एक्वीजिसन सम्बन्धि सम्झौतापत्रमा हस्ताक्षर भएको छ ।
मर्जर सम्बन्धि सम्झौता भएसँगै दुबै लघुवित्तको दोस्रो बजारमा सेयर कारोबार रोक्का भएको छ । एनआईसी एशिया लघुवित्तको चुक्ता पूँजी १ अर्ब ४८ करोड करोड रहेको छ स्वदेशी लघुवित्तको २७ करोड ६० लाख रहेको छ । सेयर बजारमा स्वदेशी लघुवित्तको सेयर मूल्य ८०० रुपैयाँ रहेको छ भने एनआईसी एशिया लघुवित्तको ७५३ रुपैयाँ रहेको छ ।
